Atletiek deelname word gemotiveer deur elke atleet geleentheid te gee om sy of haar maksimum potensiaal te ontwikkel. Ons is as ‘n atletiekklub geaffilieer by Atletiek Gauteng Noord wat ons atlete in staat stel om aan die ASA atletiek kampioenskappe, landloopkampioenskappe enpadwedloopkampioenskappe deel te neem waar hul kan kwalifiseer om Suid Afrika op die  wêreldkampioenskappe te  verteenwoordig.

Om maksimale deelname geleentheid te bevorder begin die atletiekseisoen met ons Troffel uitdunne vir graad 8’s gevolg deur die Bere interhuis waar daar in 2024, 1024 inskrywings was. Daarna volg nog 2 vriendskaplike byeenkomste waar 4 atlete of meer per item kan deelneem. Vir ons top atlete wat 800 en meer punte op die ASA tabel behaal neem ons aan Curro TUT Top 14, Noordheuwel Top 15 en die landwye Curro Podium finale deel waar ons seuns konstant die afgelope 3 jaar onder die top 10 skole eindig. Ons Skole atletiek seisoen eindig met die NWU Pretoria A-bond interhoër waar ons sedert 1994 ononderbroke(30 jaar) deelneem as een van die die top 8 skole in Pretoria. Ons neem ook aan die NWU Super Interhoër A- afdeling sedert 2010 ononderbroke(14 jaar) deel bestaande uit al die skole streke Noordwes Noord, Limpopo, Gauteng Noord, Sentraal Gauteng, Mpumalanga en Sentraal Noordwes. 23 Atlete neem aan die ASA Gauteng-Noord kampioenskappe deel waarvan 15 (65%) in 2024 gekwalifiseer het vir die AGN atletiekspan na ASA Atletiekkampioenskappe.

Om konstant op die vlak te presteer beskik ons oor ‘n uitnemende span buite afrigters asook verskeie onderwys personeel afrigters wat het sy as atlete self of as nasionale afrigters, Suid Afrika op die Olimpiese Spele en Wêreldkampioenskappe verteenwoordig het. Verskeie van ons omliggende Laerskool voedingskole se atlete oefen reeds by die onderskeie afrigters.