Die Bere speel elke jaar teen toprugbyskole soos Paarl Boys’ High, Grey Bloem, Affies, Monument, Outeniqua en Oakdale. Deelname is prioriteit. Rugbyklinieke en -toernooie word gereeld bygewoon en as gevolg van die strawwe kompetisie, vorm die Bere gereeld die ruggraat van die Bulle-skolespanne. Die Bere speel in toptoernooie soos Noord-Suid, Kwaggaweek en Wildeklawer.
Die Bere is in die bevoorregte posisie dat hul oor topspelers en -afrigters beskik. Afrigters wat tans deel is van die Bere se afrigtingspan is: Morné Steyn, Jaco Kriel, Johan du Plessis en Andries Coetzee. Daar is ook twee Bere-afrigters wat tans deel is van die Bulle-skolespanne, Sylvester Booysen (o/18) en Jaco van Zyl (o/16). Ons kondisionering word vanuit ons puik toegeruste Hoë Prestasie Sentrum bestuur deur Armand Olivier en Lezanne Vermaak.
Ons glo dat elke seun wat by die Bere speel die beste moontlike afrigting en geleenthede moet kry. Daar is tans vier spanne per ouderdom en ons getalle groei jaarliks. Elke span het genoeg wedstryde en afrigters om elke seun se droom te bewaarheid. Die eerste tot derde span en A- en B-spanne toer in 2024. Garsies fokus nie net op die A-span seuns nie, maar die hele skool se seuns wat speel.