Hoërskool Garsfontein erken uitnemendheid in kultuur deur ‘n omvattende stelsel van toekennings, trofeë en prestasie-erkenning. Die volgende riglyne bepaal hoe leerders se prestasies beoordeel en beloon word.
Eisteddfod
Eisteddfod-trofee
Die Eisteddfod-trofee word toegeken op grond van die huidige jaar se prestasies aan erkende eisteddfod-kompetisies.
Buitengewone Prestasie op Eisteddfod
Hierdie trofee word toegeken aan die leerder met die hoogste individuele prestasie tydens die betrokke jaar se eisteddfod.
Uitvoerende Kunste: SA- en Wêreldkampioenskappe
Prestasies by die SA- en Wêreldkampioenskappe vir die Uitvoerende Kunste word as buitekulturele prestasies beskou en word nie vir interne kultuurtrofeë verreken nie.
Erkenning
| Prestasie | Erkenning |
|---|---|
| SA Kampioenskap – Brons, Silwer of Goud (Individueel) | Derde Toekenning: Silwer |
| SA Kampioenskap – Brons, Silwer of Goud (Groepwerk) | Derde Toekenning: Silwer |
| Wêreldkampioenskap – Brons, Silwer of Goud | Derde Toekenning: Silwer |
Koor
Die koor ontvang erkenning vir kompetisies wat deur die skool as amptelike skoolaktiwiteite erken word.
Belangrike vereistes
- Kompetisies moet vooraf deur die skoolbestuur goedgekeur word.
- Nasionale kompetisies moet verteenwoordiging uit minstens vyf provinsies hê.
- Eisteddfod-deelname word volgens die Eisteddfod-riglyne beoordeel.
Sang-, Musiek- en Dramatoekennings
Die volgende eksameninstansies word erken:
- Trinity College London
- Trinity Rock School
- UNISA
- Royal Schools
Toekenningskriteria
| Toekenning | Punte |
|---|---|
| Vierde Toekenning: Goud | 25+ |
| Derde Toekenning: Silwer | 20–24 |
| Verdienstesertifikaat | 15–19 |
Geen toekenning word gemaak vir minder as 15 punte nie.
Gegradeerde Prestasies
| Graad | Punte |
|---|---|
| LTL | 16 |
| Graad 8 | 14 |
| Graad 7 | 12 |
| Graad 6 | 10 |
| Graad 5 | 8 |
| Graad 4 | 6 |
| Graad 3 | 4 |
| Graad 2 | 2 |
| Graad 1 | 0 |
Prestasiepuntetoekenning
| Prestasie | Punte |
|---|---|
| Slaag | 5 |
| Meriete / Eervolle Vermelding | 10 |
| Lof / Onderskeiding | 15 |
Trofee vir Beste Musiekprestasie
Junior & Senior
Die trofee word toegeken aan die leerder met die hoogste musiekprestasie gedurende die jaar.
Beoordelingsriglyne
- Die hoogste prestasie word in aanmerking geneem.
- By gelykopuitslae word die leerder se totale jaarprestasie oorweeg.
- Elke instrument word afsonderlik beoordeel.
- Slegs die hoogste gegradeerde prestasie word verreken.
- Laat eksamenuitslae word na die volgende jaar oorgedra.
Beste Redenaarstrofee
Junior & Senior
Prestasies in:
- Redenaars
- Debat
- Public Speaking
- Spanredenaars
word saam verreken.
Die leerder met die hoogste totaal ontvang die trofee.
Punteskaal
| Prestasie | Waarde |
|---|---|
| Verdienstesertifikaat | 1 |
| Tweede Toekenning (Katoen) | 3 |
| Derde Toekenning (Silwer) | 5 |
| Vierde Toekenning (Goud) | 12 |
Beste Prestasie in Uitvoerende Kunste
Sang • Dans • Drama • Instrumentaal
Alle individuele prestasies word saamgevoeg om ‘n totale puntetelling te bepaal.
Die leerder met die hoogste totaal ontvang die trofee.
Punteskaal
| Prestasie | Waarde |
|---|---|
| Verdienstesertifikaat | 1 |
| Tweede Toekenning (Katoen) | 3 |
| Derde Toekenning (Silwer) | 5 |
| Vierde Toekenning (Goud) | 12 |
Sekere prestasies word op meriete beoordeel waar standaardisering nie moontlik is nie.
Skep Dit!
Skep Dit! is ‘n interne kultuuraktiwiteit.
Prestasies word deur ‘n keuringsproses beoordeel en sertifikate of merietetoekennings word volgens die beoordelingskriteria toegeken.
Musiekblyspel
Erkenning
| Prestasie | Toekenning |
|---|---|
| Hoofrol vir een jaar | Tweede Toekenning: Katoen |
Uitstaande prestasies kan op meriete verder erken word.
Redenaars, Debat, Public Speaking & Spanredenaars
Prestasies in alle erkende kompetisies word verreken vir kultuurtoekennings.
Provinsiale, nasionale en hoër prestasies ontvang erkenning volgens die kultuurbeleid.
Jeugorkes
Leerders word deur oudisies gekeur en kan op provinsiale of nasionale vlak deelneem.
Erkenning
| Prestasie | Toekenning |
|---|---|
| Deelname aan erkende jeugorkes (per jaar) | Derde Toekenning: Silwer |
| Leiersposisie (bv. Konsertmeester) | Vierde Toekenning: Goud |
Tegniese Span
Erkenning
| Prestasie | Toekenning |
|---|---|
| 5 Jaar Diens | Vierde Toekenning: Goud |
Kultuurdraer
Graad 12
Hierdie toekenning erken die leerder se totale kulturele bydrae oor sy of haar hoërskoolloopbaan.
By beoordeling word die volgende in ag geneem:
- Alle kulturele prestasies
- Totale betrokkenheid
- Leierskap
- Langtermyn deelname
Toneel & Sêr
Prestasies word beoordeel volgens die algemene bepalings van die kultuurbeleid.
Beste Akteur & Aktrise in Musiekblyspel
Hierdie trofeë word deur die regisseurs en produksiespan toegeken op grond van:
- Toneelspel
- Karakteruitbeelding
- Verhoogteenwoordigheid
- Algehele bydrae tot die produksie
Beste Akteur & Aktrise in Tienertoneel
Hierdie trofeë word deur die regisseurs en produksiespan toegeken.
Prestasies tydens tienertoneelkompetisies kan as riglyn dien.
Voortrekkers
Voortrekkers word nie as ‘n amptelike skoolaktiwiteit beskou nie, maar word wel vir kultuurtoekennings erken.
| Prestasie | Toekenning |
|---|---|
| Presidentsverkenner | Vierde Toekenning: Goud |
| Hoofleierswag | Derde Toekenning: Silwer |
Trofee vir Beste Kulturele Veelsydigheid
Graad 12
Hierdie trofee erken die leerder met die grootste en mees diverse kulturele betrokkenheid.
Vereistes
- Slegs Graad 12-leerders kwalifiseer.
- Betrokkenheid vanaf Graad 8 tot Graad 12 word verreken.
- Slegs erkende kultuuraktiwiteite tel.
- Een punt word per aktiwiteit per jaar toegeken.
- By gelykopuitslae word die verskeidenheid van deelname oorweeg.