Kultuur
Oorsig
Hoërskool Garsfontein spits hom toe op die vestiging van ‘n diverse kultuuromgewing. Die kultuurprogram is daarop gerig om elke leerder die geleentheid te bied om sy of haar unieke vaardighede optimaal te ontwikkel. Verder, beskik Hoërskool Garsfontein oor moderne fasiliteite en bied professionele afrigting aan leerders. Die oorhoofse kultuurprogram van Hoërskool Garsfontein bied aan leerders ʼn regverdige geleentheid om hom/haarself holisties in verskeie aktiwiteite en lewensvaardighede uit te leef. Die visie van Garsie-kultuur is om die verwysingsraamwerk van elke betrokke leerder te verryk en te verbreed. Met kultuur as integrale deel van ‘n skool se DNS, is dit onmiskenbaar dat dit ‘n direkte of indirekte impak op ‘n skool se prestasie en status sal hê. Kultuur kan as die dryfkrag gebruik word om binne opvoedkundige grense leerders op te lei om as afgeronde burgers buite die vier mure van die skool te funksioneer.
Die kultuurdepartement van Hoërskool Garsfontein stuur volwasse jongmense die wêreld in deur die vaslegging van onder meer:
waardigheid,
deursigtigheid,
deursettingsvermoë,
konsekwentheid,
regverdigheid en
die strewe na hul volle potensiaal.
Kultuurbestuurskomitee
| Mnr. D. Jordaan Adjunkhoof: Kultuur danielle@garsies.co.za | Mnr. R. Odendaal Adviseur: Kultuurbelange ruan@garsies.co.za |
| Mnr. Z. Liebenberg Hoof: Uitvoerende Kunste zane@garsies.co.za | Me. S. Fourie Hoof: Vakgerigte Aktiwiteite shaandre@garsies.co.za |
| Me. A. van Tonder Hoof: Beeldende Kunste annie@garsies.co.za |
Kultuurorganiseerders en Kontakbesonderhede
| Kultuurmeriete, -toekennings & beleid: Mnr. D. Jordaan danielle@garsies.co.za | Musiekonderrig & -opleiding: Mnr. D. Jordaan danielle@garsies.co.za |
| Koor: Me. M. Wood madelein@garsies.co.za | Sêr: Me. A. Wolmarans anieka@garsies.co.za |
| Marimba-ensemble: Me. A. Benade alecia@garsies.co.za | Drumline: Mnr. W. Gildenhuys wessel@garsies.co.za |
| Toneel: Me. M. Cloete martie@garsies.co.za | Musiekblyspel: Me. H. van der Spuy heloise@garsies.co.za |
| Dans Crew: Me. M. van der Merwe melanie@garsies.co.za | Eisteddfod (Uitvoerend): Me. M. Cloete martie@garsies.co.za |
| Redenaars & Spanredenaars: Me. B. Groenewald bunika@garsies.co.za | Public Speaking & Team Orators: Me. C. Botha carol@garsies.co.za |
| Eisteddfod (Beeldend): Me. I. Nel ilse@garsies.co.za | Voortrekkers: Mnr. W. Prinsloo wolla@garsies.co.za |
| MMG (Mnr. & Me. Garsfontein): Me. M. van der Merwe melanie@garsies.co.za |
Kultuursamestelling
Met ons diverse kultuurprogram is daar vir elke deelnemende individu ‘n geleentheid om holisties te ontwikkel en om waardering vir die kunste te kweek. Die kultuurraamwerk van Hoërskool Garsfontein bestaan primêr uit die volgende drie komponente:
Uitvoerende Kunste
Met kundige personeel en moderne fasiliteite sal elke deelnemende individu by die onderskeie aktiwiteite baat. Geen agtergrond kennis of opleiding is noodwendig ‘n
vereiste om aan enige van die gelyste aktiwiteite deel te neem nie. Jaarliks groei onderstaande aktiwiteite eksponensieel vanweë die populariteit daarvan:
- Koor
- Acapella Serenade
- Orkes
- Marimba-ensemble
- Drumline-ensemble
- Tienertoneel
- Produksie
- Musiekblyspel
- Dans crew
- Musiekakademie
- Eisteddfod
Beeldende Kunste
Die Beeldende kunste-afdeling van Hoërskool Garsfontein vind plaas in noue samewerking met die Visuele en Ontwerp vakgebiede van die Kunsdepartement.
Verder is die beeldende kunste ‘n gedistengeerde komponent van die kultuurraamwerk. Elke talentvolle deelnemer word aangemoedig om ten volle uiting te gee aan sy/haar kreatiwiteit. Aktiwiteite wat aangebied word sluit onder andere in:
- Vuvumation,
- Kunsuitstallings,
- Eisteddfod en,
- Kunsmuur
Vakgerigte Kultuuraktiwiteite
Die vakverwante afdeling van kultuur behels aktiwiteite met ‘n sterk akademiese konnotasie en inslag. Hierdie aktiwiteite vereis ‘n sterk intellektuele en akademiese
ingesteldheid en word gereken as spesialisaktiwiteite:
- FAK-ekspo,
- Poort-skryfkompetisie,
- Redenaar,
- Spanredenaars,
- Public speaking,
- Team orators,
- Debat en,
- Eisteddfod
Vanaf 2024 word musiek as byvak aangebied wat dienooreenkomstig deel vorm van die akademiese kurrikulum . Kontak gerus die kultuurkantoor vir meer inligting.
Hoogtepunte en prestasies
Koor:
• Algehele 3e plek tydens ATKV-Applousfinaal in Meriete Kategorie 2023
• Beste Afrikaansie verwerking tydens Sing in Harmonie 2022
• Algehele 3e plek tydens Sing in Harmonie in 2022
• Goue toekenning tydens ATKV-Applous Prestige Kategorie 2024
Debat
• Nasionale Top 20 tydens Con Spirito Landsfinaal
• ATKV
Vuvumation:
• Word in 2022 as algehele wenners aangewys tydens die FilmIt-nasionale animasiefilmkompetisie.
Toneel:
• Behaal twee goue toekennings tydens die ATKV-Tienertoneel 2023 Bloemfontein streeksfees vir Regie, Stel en Kostumering, vir die toneelstuk, Twee Kamers.
• Verwerf ‘n benoeming, ook vir Twee Kamers, op die Bloemfontein-streeksfeesfinaal vir Beste Tegniese Operateur.
• Goue toekennings tydens 2024 ATKV-Tienertoneel Streeksfeesfinaal vir regie, teks, aktrise, ondersteunende aktrise, ensemble, tegniese aspekte.
• Wenners van die ATKV-Tienertoneel Pretoria Streeksfees 2024
• Nasionale Top 10 tydens ATKV-Tienertoneel landsfinaal.
Sêr:
• Beste Musikaliteit tydens ATKV-Sêr Landsfinaal
• Beste Eie Komposisie tydens ATKV-Sêr Landsfinaal
• Beste Voorgeskrewe Verwerking tydens ATKV-Sêr Landsfinaal
• Nasionale wenners van die ATKV-Sêrkompetisie 2024
Redenaars & Public Speaking:
• Graad 8 nasionale wenner tydens die Afrikaanse Interskole Redenaars (onvoorbereid) 2024.
• Graad 8 nasionale naaswenner tydens die English Interschools Public Speaking (onvoorbereid) 2024.
• Nasionale spanredenaars wenners by Con Spirito Redenaars 2024.
Musiekakademie
Die jongste juweel in die kroon van Hoërskool Garsfontein se kultuurdepartement. Die musiekakademie verskaf onderrig en opleiding in die volgende areas nl.:
| Klawerbord (beginners) | Viool |
| Kitaar | Fluit |
| Sang | Klavier |
| Tjello | Perkussie |
| Musiekteorie | Musiek Geskiedenis |
Die musiekakademie bied ‘n verkskeidenheid van instrumente te huur veral vir beginnerstudente wat musiekonderrig en -opleiding wil opneem.
Kultuurprospektus
Allerlei aktiwiteite en kultuurgeleenthede
Vanuit die meer tradisionele kultuuraktiwiteite en soos die behoefte vir vernuwing in die gemeenskap groei, groei en diversifiseer die kultuurplatform by Hoërskool Garsfontein. Sodoende word meer moderne aktiwiteite by kultuur ingesluit soos:
- Kunstefees,
- MMG (Mnr. en Mej. Garsfontein)
- Voortrekkers
- Skep Dit!
